توقعاتك ايه .,,
سؤال دايما بنتسأله بغرض "الوقوع "
بك فى حفرة معرفة دماغك رايحة فى انى اتجاة او ميولك ايه ! , فمثلا امى بتسالنى
"تفتكر هتاكل ايه انهارده ؟ " اقولها "مكرونة بشاميل " تقولى
"لأ كوسة ! " , بدات افكر فى الجمله لما اتقالتلى قبل يوم 25 توقعاتك يوم
25 اللى جاى هايحصل فيه ايه ؟
وكان السؤال بصراحة متداول لاكتر من شخص
وكانت الاجابات مختلفه ولكنها كانت بالتمنى لكل طرف , فمثلا طرف "دول شويه
عيال" ومش هايحصل حاجه او طرف "الاستقرار" و ان شاء الله هايبقى
يوم لطيف , او "لاء" البلد هتولع , هانسقط النظام ..الخ , بنسمع كتير
جدا وهى حقيقى تمنيات , صحيح ان بيبقى فيها افكار شريرة ان مثلا البلد هتولع ,
زىيها زى الفكرة الشريرة ولا "هايعملو اى حاجه" لانها شريرة ايضا ,
ولكنها كلها تمنىات , فمثلا لما يجى ماتش الكلاسيكو بين ريال مدريد وبرشلونه
والسؤال هايبقى توقعاتك ايه ؟ مش ممكن يعنى هتكون بتشجع ريال مدريد وهتقول برشلونه
اللى هتكسب , او هتكون بتشجع بشرلونه وتقول يارب ريال مدريد تكسب , لكننا دايما
بنتمنى وبنتمنى بزياده حبتين بارقام وهميه بالاهداف" الاربعه بدون لا شىء "!
, رغم اقتناعنا بان "كل ماتش ولية ظروفة " رغم كدا فى اسوأ الظروف بنقول
ان الفريق هايكسب ! , كذلك فى توقعات ,, فالتوقعات فى مصر بالتمنى وليس بدراسه عن
سير سلوك او معرفة قبليه لاحداث او ظروف ماتش و ماشابة "لو الفريق هايلعب
بالاحتياطى بنقول هنكسب وهنعلم عليكم بالشباب " ! خد عندك من اسئله بقى ايه توقعاتك
للبلد الفتره اللى جايا , وخد عندك السؤال الخبيث المقصود دائما "ايه توقعات لنتيجتك
فى الامتحان؟! " وعمرك ما هتجاوب غير بالتمنى بالنجاح او ان شاء الله خير مش
هتقول يعنى انى ساقط حتى لو النتيجه بعد كدا اثبتت بذلك !
بعيدا عن جملة ان مصر فوق اى توقعات ,, ودا
السبب اننا مانبدرسى توقعاتنا ! ومخترع جملة "اللى بيدور على الحقيقة بيتعب "
اعتقد انة ماكنشى يعرف ان حتى لو مدورتش, برده هتتعب !
