رجاله لامؤاخذه !

رجاله لامؤاخذه ...

اختراع كلمه لامؤاخذه "فى مصر بس بنقولها قبل لامؤاخذه اى شتيمه ! "

عشان كدا المرادى انا قاصد فى كل كلمه هاكتب فيها "لامؤاخذه ! " انها شتيمه

واللى خلانى اكتب عنهم سبب الانتشار الواسع لهذا الوباء الخطير فى المجتمع ,, اصبح مجتمع مقزز !

تيجى تمشى فى الشارع تلاقى البوكسرات الساقطه و فاتحه القميص الى البطن " تامر حسنى بطل هذه الموضه ! " ,انت لابس انسيال دهب؟ طب تعالي يا حمادة اجيبلك خلخال بالمره - بيضحكو عمال على بطال ! – تلاقيهم مشغلين الموبايل "الصينى ! " ومعليين الصوت على الاخر يعيشون جو اخر بطرقعه لبان بطريقه "سونيا شخلع ! "  , وبيتريقو على خلق الله من كبيرهم لصغيرهم ويعاكسو البنات وبيصوروهم بالكاميرا الصينى بدون مايخدو بالهم  "حتى الاطفال الصغيره ! "

رجاله لامؤاخذه  ايضا مابتعرفشى تعمل حاجه لوحدها لازم تستاذن "ماما " فى اى حاجه بيعملها , حتى وهو بيقدم يعمل اى ورق بتفضل معاه وتعملهاله ! دا غير بقى الاكل هى اللى بتحضرهوله لغايه عنده "وتزغطه كمان ! " ويعيط لو ماخدش المصروف , هو دا سبيل رده على اى اساءه تحصله فى حياته ! "وانا اعيط ! "

رجاله لامؤاخذه تقابلهم فى الافراح "هز وسط ! " ماحصلشى وكمان فقره الرقاصين اللى بيجو يقفو على السماعات "لازم الفقره دى تتمنع ! "

 رجاله لامؤاخذه " شريف مدكور – تامر حسنى – لاعيبه الزمالك ! "

رجاله لامؤاخذه لازم تشوفهم وانت داخل كليه هندسه "قسم عماره ! "

 الراجل اللامؤخذه اللى بيعمل راجل على البنت وماتعرفلوش ولا موقف واحد رجوله فى حياته مع اصحابه فى بيته فى كل حاجه  - وقت المواقف ماتلقهوش تلاقىه اختفى ! – يجمع بعد الصفات زى "حوارتجى " – "ندل " – "بياع كلام " – "غير راكز " – واخيرا "رشقت ! "

الراجل الإريال ! وذللك الرجل اللى الست هى اللى بمتشيه على مزاجها تقوله كدا يروح تقوله شمال يروح ودا بيبقى شكله "حماده خالص !"

رجاله لامؤاخذه ودول كتر منهم كتير هم رجالا كأسم ونوع فى البطاقه لكن بيجو فى وقت الجد "بيهنجو !" وساعتها من الحق الست انها ترفع عليه قضيه "خلع ! " الله يمسيك بالخير يا هانى رمزى !