كنت فى نقاش حاد مع ضميرى اللى دايما بيألش
وقارفنى وقولتله فجاه ,,
انى قررت اكتب !! راح رد
عليا بالاغنيه الشهيره اكدب عليك !!
رحت فلتله لاء بجد انا عايز اكتب الكتابه العاديه دى ام ورقة وقلم ! , بس رح قالى يا كتبه الخطوبه عقبالنا كلنا !!
بصراحه انا زهقت منه لانه قالى قبلها كتب
كتاب !! وزى ماتقولو كان مزاجه رايق!
بس انا بقى قرفت منه ! وقلتله مش عايز اسمع
صوت عشان اقولك انا هاكتب ايه !
فسكت هذا الضمير اللعين !!, ومعرفتش اكتب حاجه !
لانى لاقيت كل حاجه اتكتبت , بس لاقيت برده
ان من السهل ان الواحد يكتب فى اى حاجه
لاننا مابنخلصى ! كل شويه بنعمل افتكاسه
جديده !
فقررت انى اسئل كام سؤال كدا كنت واخد بالى منهم ,, ولمعرفتى ان الانسان طول ماهو بيسئل يبقى لسه عايش وبيفكر !
ليه احنا الشعب الوحيد اللى مايعرفشى يطبق
"إيد واحده " غير لما تتقطع إيده !؟
ليه في ناس مجرد الكلام معاهم يعتبر جريمة
؟!!
ليه الاعياد عماله تيجى فى عطل رسميه ؟!!
ليه
بنقول ومابنعملشى ؟!
ليه كلنا
بنحب المانجا !
ليه الشاب بقى بيحب صاحبته اكتر من امه ! ؟
ليه
بنقول "و الله والله والله و ما ليك "عليا حلفان !!؟
ليه لازم نطلع الصوت
إلي بيطلع في أخر بوق في علبة العصير ؟ !
ليه الناس اللي بتقول على "كان
البيبسي" .."كانز" , ولو عايز 3 بيقول عليهم 3 كانزات ! ؟
ليه احنا الشعب الوحيد اللى حولنا كلمه
"صايع " من شتيمه الى فخر !!؟
ليه إحنا
عندنا شيوخ كفيلين إنهم يطلعوك عن دينك ! ..وملحدين كفيلين إنهم يتوبوك !؟
ليه الطابور المصري هو منبعج ملتوي غير محدد الأتجاهات و غير ملتزم بخط
معين؟ !
ليه الرجولة زمان كانت قلب ومواقف
......دلوقتى بقت قلب وتيشرت سبونج بوب ؟!!
ليه في مصر لما حد يبقى شاطر في شغله ,
لازم يتشتم ! وفيه شتيمه مشهوره لازم تتقال عليه "دا بن حرام "؟!
اكتر جملة كانت بتقفلني في الكتب الخارجية "اجب بنفسك", هو
انا شاري الكتاب عشان اجاوب بنفسي؟!
ليه كلنا جوانا حسنى مبارك صغير و بنحب نكدب فى اقل حاجه ونقول "أنكر هذه التهم جميعا".؟!
هو عدوية كان بيغني زحمة يا دنيا زحمة على أيامه بأمارة إيه !؟
ليه خط الفقر قى مصر بقى أكبر من خط الاستواء !
ليه مابنحققشى الحلم بتاعنا غير على السرير بس ؟ !
ليه دم المصري بقى ارخص من كيلو الطماطم وليتر السولار ورغيف العيش!
ليه المحجبات بيقفو فى البلكونة من غير حجاب ؟!
ليه الضمير مابقاش موجود الا في دروس النحو !
واااااااااااااااالعه يا جوبااااااا
ردحذفاولااااا مبروووووووك عالمدونة يااا رفيييق
ثانيااا التدوينة دي جامدة
بعيدا عن ان الايفيهات اي في الاول كاتت هتخليني اعملك بلوك :D :D
بس الاسئلة التانية دي حلوة يعني .. تحياتي يبني و الله :D
الله يبارك فيك يا ابو بلال ,, فكره المدونه حقيقى اخدها منك :D
ردحذفبس لاقيتها فرصه احسن من النود وكدا يعنى
موضوع المقدمه , ماكنتش حضرت حاجه فقلت اكتب اى حاجه على السخان كدا
وان شاء الله كل اسوبع اعرف انزل حاجه ان شاء الله بتسجيعك بقى ;)
مبروك على المدونه :)
ردحذفحلو الأسم :D
في أنتظار أبداعاتك بقه :D
ايوا بقى يارمى :D
ردحذفتسلم يا كبير ,, الله يبارك فيك
ان شاء اللى جاى يبقى حاجه كويسه
حبيبى يا رامى
ليه في مصر لما حد يبقى شاطر في شغله , لازم يتشتم ! وفيه شتيمه مشهوره لازم تتقال عليه "دا بن حرام "؟!
ردحذفدي حاجة لا مؤاخذة زبالة
juba :D
ردحذفما هذا ..لقد أدهشتنى ..أى والله و ما ليك عليا حلفان :D
لأ بس عاش (Y)